ஸீதா கல்யாண வைபோகமே

 #கனவிலே_எழுதி_மடித்த_கவிதை 

பாடல்: ஸீதா கல்யாண வைபோகமே

ராகம்: குறிஞ்சி

பல்லவி

ஸீதா கல்யாண வைபோகமே

ராம கல்யாண வைபோகமே

அநுபல்லவி

மனதுக்கு மகிழ்ச்சி தரும் வைபோகமே

காண்பவர் அனைவருக்கும் பெரும் யோகமே! (ஸீதா கல்யாண)

சரணம் 1

மாதர் மாடந்தனில் ஜானகி இருக்க

மாடவீதியில் ஸ்ரீராமன் நடக்க

நான்கு விழிகளும் விரும்பியே கலக்க

இதயமிரண்டும் இடம் மாறி புகுந்திருக்க

(ஸீதா கல்யாண வைபோகமே)

சரணம் 2

சுயம்வர அரங்கம் சிறந்திருக்க

பல தேசத்து மன்னர்கள் நிறைந்திருக்க

இரண்டு மனங்கள் மட்டும் கலந்திருக்க

ஸ்ரீராமன் சுயம்வரம் வென்றெடுக்க

(ஸீதா கல்யாண வைபோகமே)

சரணம் 3

மிதிலை மகிழ்ச்சியில் மிதந்திருக்க

தசரதன் உறவொடு குவிந்திருக்க

விண்ணவர் யாவரும் அருளியிருக்க

ஸீதா ராமன் கைத்தலம் பிடித்திருக்க

(ஸீதா கல்யாண வைபோகமே)